Gemeindefasnet 2016 am 30. Januar 2016
Heut sem mer älle froh – Narri Narro
Narri Narro – hallo ihr liebe Leut,
Narred ware mer – s´war Fasnet heut
Schee, dass 75 Narre onsre Einladung hen vernomme,
ond bunt verkleidet ins Gemeindehaus send komme
Heut waret mer älle froh – Narri Narro
Mir hend heut Obend gschunkelt, tanzt ond glacht,
ond mitnander a ausgelassne Zeit verbracht.
Mö Bo Oft und Du Go Ne –
dass mir älle zamme waret, war oifach schee.
Heut waret mer älle froh – Narri Narro
S´Tanzbein wolltet mer so richtig schwenge,
ond onsere Hüfte in Bewegung brenge.
Josef Thalmüller hoizt ons ei mit seire Musik,
und es war so schee, denn es machtet alle mit!
Heut waret mer älle froh – Narri Narro
Selbscht bediene konnte mer ons beim Trinke und Esse,
und hend beim bunte Buffet nix Wichtiges vergesse.
Bier, Wein, Sekt ond was des Herz sonscht noch begehrt,
hot ons mal wieder onser Giovanni beschert.
Danke an älle, die onser Haus so herrlich dekoriert,
ma ka´s kaum glaube: in knapp zwoi Stonde war´s passiert.
Heut waret mer älle froh – Narri Narro
Die Sorge des Alltags wolltet mer heut vergesse,
sie waret damit net weg – des wär vermesse.
Mer wolltet den Obend oinfach mit Freude genieße,
damit se ons morge vielleicht nemme so verdrießet.
Heut waret mer älle froh – Narri Narro